Eksperti i KDI-së, Eugen Cakolli, ka komentuar përbërjen e Komisionit Qendror të Zgjedhjeve (KQZ), duke theksuar se ajo bazohet në numrin e grupeve parlamentare dhe jo në numrin e deputetëve të partive.
Cakolli ka ngritur gjithashtu shqetësimin se Presidentja Osmani ka shkelur afatin ligjor për emërimin e anëtarëve të rinj të KQZ-së, duke e tejkaluar atë për më shumë se dy javë.
“Përbërja e KQZ-së nuk e reflekton proporcionalisht fuqinë politike dhe numrin e deputetëve në Kuvend. Ajo e reflekton vetëm numrin e grupeve parlamentare,” tha Cakolli.
Po ashtu, Cakolli ka ngritur shqetësimin për shkeljen e afatit ligjor nga Presidentja Osmani për emërimin e anëtarëve të rinj të KQZ-së. “Sot përmbyllet afati ligjor (60-ditor) për fillimin e mandatit të anëtarëve të rinj të KQZ-së. Megjithatë, afati ligjor procedural për emërimin e anëtarëve është shkelur prej më shumë se dy javësh,” ka thënë ai, duke e kritikuar Presidenten për vonesën në përmbushjen e detyrës.
