Presidenti Bajram Begaj priti sot Gjeneralin Luciano Portolano, me të cilin diskutoi mbi forcimin e bashkëpunimit mes Shqipërisë dhe Italisë në fushën e mbrojtjes.
Gjatë takimit u vlerësuan marrëdhëniet shumë të mira mes dy vendeve, si dhe mbështetja e Italisë në modernizimin dhe rritjen e kapaciteteve të Forcave të Armatosura shqiptare.
Palët ndalën gjithashtu te bashkëpunimi në misionet ndërkombëtare dhe rëndësia e KFOR-it për sigurinë në Kosovë dhe rajon.
Presidenti Begaj theksoi se ky partneritet pritet të vijojë të forcohet edhe më tej.
