Kryeministri Edi Rama ka mbajtur këtë të diel, 12 prill, episodin e radhës në podkastin e tij “Flasim”.
Ai u ndal fillimisht tek Samiti i IV i Diasporës, i cili do të mbahet nesër në Tiranë.
“Mirëpresim në Tiranë samitin e diasporës, edicioni i katërt që mbledh edhe një herë shqiptarët nga të gjitha anët e botës, ata që punojnë e jetojnë jashtë vendit, por që sytë i kanë në Shqipëri. Sa herë u jepet mundësia mendojnë apo vizitojnë Shqipërinë. E nisim më 13 prill me ceremoninë mirëpritëse.
Diaspora është një forcë konkrete zhvillimi dhe ajo vjen për herë të parë pas një përfshirjeje historike në zgjedhjet e vendit. Ajo vjen si një hapësirë e zgjeruar e Shqipërisë përtej kufijve të saj dhe kthehet në një realitet shqiptar në transformim të vazhdueshëm. “, tha Rama.
