Kryetari i Parlamentit të Iranit, Mohammad Bagher Ghalibaf, ka paralajmëruar për pasojat që mund të ketë vendimi i Presidentit amerikan Donald Trump për një bllokadë detare në Ngushticën e Hormuzit, duke ndikuar drejtpërdrejt në çmimet e karburantit në SHBA.
Ghalibaf ka shprehur shqetësimin e tij për ndikimin që kjo mund të ketë në tregjet ndërkombëtare të energjisë dhe çmimet e naftës, duke theksuar se konsumatorët amerikanë mund të përballen me rritje të ndjeshme të çmimeve të karburantit.
“Shijoni çmimet aktuale. Me të ashtuquajturën ‘bllokadë’, së shpejti do të pendoheni për 4-5 dollarë për galon,” shkroi Ghalibaf në një postim në rrjetin social X, duke paralajmëruar për ndikimin e mundshëm të këtij vendimi.
