Kryetari i Partisë Demokratike, Sali Berisha, ka kërkuar nga kryetarët e degëve dhe drejtuesit politikë të intensifikojnë takimet me qytetarët, duke e cilësuar këtë si një prioritet të jashtëzakonshëm për këtë fazë politike.
“Ne duhet të vazhdojmë dialogun intensiv me qytetarët. Kryeministri ka mjetet e propagandës, ne kemi takimet dhe rrjetet sociale. Ai nuk ulet me qytetarët, ne ulemi, dëgjojmë dhe pranojmë kritikat. Të gjithë duhet të kenë një agjendë të vazhdueshme takimesh. Kjo është e domosdoshme dhe ky është momenti i fundit për ne. Protesta është arma jonë kryesore.”
