Një ngjarje ka ndodhur mbrëmjen e djeshme në Zallë-Kalis, në njësinë administrative Sllovë, ku një 67-vjeçar ka humbur jetën pas një aksidenti të tmerrshëm.
Sipas të dhënave paraprake, i moshuari është tërhequr nga kali për një distancë prej rreth 500 metrash në një terren të vështirë malor, i mbushur me gurë dhe drunj.
Si pasojë e dëmtimeve të shkaktuara nga ky incident, ai ka ndërruar jetë në vend.
Edhe pse ekipet mjekësore mbërritën menjëherë, i moshuari u gjet pa shenja jete.
Trupi i tij është transportuar për ekspertizë në Tiranë dhe hetimet janë duke u zhvilluar për të zbardhur plotësisht rrethanat e këtij aksidenti tragjik.
