Një aksident tragjik ka ndodhur në superstradën Fushë Krujë-Milot, afër Thumanës, duke lënë pas një viktimë dhe dy të plagosur.
Dy automjete, një “Mercedes” dhe një “Volkswagen Passat”, janë përfshirë në përplasje të fortë. Drejtuesi i “Passat”-it, Ndrec Ruci, ka pësuar lëndime të rënda, ndërsa pasagjerja, Tereze Laska, ka humbur jetën në vendngjarje.
Gjithashtu, një grua që ndodhej pranë rrugës, është plagosur nga pjesë të shkëputura të mjetit të përplasur.
Dyshohet se shkaku i aksidentit ka qenë një manovër e gabuar nga drejtuesi i “Passat”-it dhe shpejtësia e lartë e “Mercedes”-it.
Policia është në vendngjarje dhe po punon për zbardhjen e plotë të ngjarjes.
Të plagosurit janë transportuar për ndihmë mjekësore.
