“Shqipëria e shqiptarëve”! Presidenti i Partisë së Lirisë, Ilir Meta nga brenda kafazit të qelqtë në Gjykatën e Posaçme ka nisur seancën në themel kundër tij duke bërë shqiponjën, shoqëruar me disa deklarata.
“Me shpifje dhe gënjeshtra, një proces i turpshëm kundër shtetit shqiptar. Nga sot deri në momentin e fundit, ju ftojë të ndiqni dhe transmetoni seancën. Unë iu garantoj që mbaj përgjegjësi për çdo shkelje timen”, dëgjohet duke thënë Meta.
Gjykata ka pranuar kërkesën e ish-Presidentit të Shqipërisë, që gjyqi në themel të transmetohet LIVE, publik. Por pas disa minutash kamerat u nxorën jashtë.
Në këtë proces Meta e Kryemadhi do të përballen me akuzat e “korrupsionit”, “pastrimit të parave” dhe “fshehjes e mosdeklarimit të pasurisë”.
