Federata e Futbollit e Kosovës ka njoftuar se Përfaqësuesja e Kosovës do të pajiset me fanella të brendit Adidas për ciklin e ardhshëm të garave evropiane, përmes Skemës së Asistencës për Veshje të UEFA.
Fanellat do të jenë të dizajnuara në mënyrë të personalizuar, duke reflektuar identitetin e Kosovës.
FFK do të ketë gjithashtu qasje në shërbimin “Locker Room” të Adidas për porositjen e veshjeve të personalizuara, duke rritur standardet e performancës dhe prezantimin në arenën ndërkombëtare.
