U nda nga jeta në moshën 67 vjeçare artisti i njohur Shaban Zeneli, i cilësuar si “Bilbili i Çamërisë”, pas një beteje me një sëmundje të pashërueshme.
Lajmi i trishtë është bërë i ditur nga familjarët, duke prekur thellë komunitetin artistik dhe dashamirësit e muzikës popullore. Shaban Zeneli ishte një nga zërat më përfaqësues të këngës çame në Shqipëri.
Alket Veliu: U shua ikona e këngës çame… bilbili i Çamërisë, Shaban Zeneli
Me një karrierë të gjatë në skenë, ai u bë i njohur për interpretimet e tij plot ndjenjë dhe autenticitet, duke ruajtur dhe përcjellë me përkushtim traditat muzikore të Çamërisë.
Këngët e tij janë kënduar dhe dashur ndër vite nga publiku. Me ndarjen e tij nga jeta, muzika popullore shqiptare humb një zë të veçantë, ndërsa kujtimi dhe interpretimet e tij do të mbeten të gjalla përherë.
