Tensionet në Uashington u intensifikuan pas deklaratave të senatorit Mark Kelly mbi rezervat e armëve amerikane, që sipas tij janë shteruar ndjeshëm gjatë konfliktit me Iranin.
Sekretari i Luftës, Pete Hegseth, e akuzoi Kellyn për zbulim të informacionit të klasifikuar dhe njoftoi se çështja do t’i dërgohet avokatëve të Pentagonit për shqyrtim. Por Kelly kundërshtoi, duke theksuar se informacioni që citonte ishte bërë publik nga vetë Hegseth në një konferencë për shtyp të Senatit.
“Kjo nuk është e klasifikuar, është një citat nga ju vetë. Sekretari i mbrojtjes foli publikisht për inventarët e armëve, duke përmendur raketat Tomahawk, sistemet taktike të ushtrisë, interceptorët SM-3, raketat Thaad dhe raketat Patriot, dhe që ato janë pakësuar ndjeshëm gjatë konfliktit me Iranin. Kjo tregon qartë se rimbushja e tyre mund të zgjasë me vite dhe na lë të ekspozuar ndaj çdo përballjeje të ardhshme me Kinën. Kjo luftë po vjen me një kosto serioze dhe ju dhe presidenti ende nuk i keni shpjeguar amerikanëve se cili është qëllimi. Nuk është sekret, është realiteti i situatës, dhe populli amerikan ka të drejtë ta dijë.”
