Deputeti dhe kreu i Grupit Parlamentar të Partisë Socialiste, Taulant Balla, ka dalë në mbështetje të studentëve shqiptarë në Maqedoninë e Veriut, duke theksuar se kërkesa e tyre për zhvillimin e provimit të jurisprudencës në gjuhën shqipe është e drejtë legjitime dhe e mbrojtur nga Kushtetuta.
Postimi i Ballës:
Mbështes kërkesën legjitime të studentëve shqiptarë në Maqedoninë e Veriut për dhënien e provimit të jurisprudencës në gjuhën shqipe, që nuk u lejohet, edhe pse Kushtetuta e njeh si të drejtën e tyre. Nëse procedurat rezultojnë të mangëta, është detyrim i Parlamentit dhe Qeverisë së Maqedonisë së Veriut që të gjenden zgjidhje të drejta dhe të qendrueshme.
