Në Madrid është krijuar një situatë e tensionuar rreth së ardhmes së Julian Alvarez, pasi sulmuesi argjentinas i ka bërë të ditur Atletico Madrid se nuk ka ndërmend të rinovojë kontratën e tij.
Ky zhvillim ka rritur interesin e Barcelonës, e cila po ndjek nga afër situatën për të parë mundësitë e një transferimi të mundshëm në të ardhmen.
Megjithatë, Atletico Madrid mbetet në një pozicion të fortë negociues, pasi lojtari është nën kontratë deri në vitin 2030. Sipas raportimeve në Spanjë, klubi nuk pranon ta lërë të lirë për një shumë më të ulët se 150 milionë euro.
Ndërkohë, Barcelona po shqyrton edhe çështje të tjera në repartin ofensiv, përfshirë të ardhmen e Marcus Rashford, me klubin që synon të zgjasë huazimin e tij pas një sezoni pozitiv.
