Ministri për Evropën dhe Punët e Jashtme, Ferit Hoxha, ka vijuar vizitën zyrtare në Vilnius, ku është takuar me Kryetarin e Komisionit Parlamentar për Punët e Jashtme të Lituanisë, Remigijus Motuzas.
Gjatë takimit, palët diskutuan për forcimin e bashkëpunimit ndërparlamentar dhe rolin e diplomacisë si një instrument për të avancuar procesin e integrimit të Shqipërisë në Bashkimin Evropian, si dhe për të thelluar marrëdhëniet dypalëshe.
Hoxha theksoi mirënjohjen për mbështetjen e Lituanisë në rrugën e Shqipërisë drejt BE-së, duke vënë në dukje edhe rëndësinë e unitetit të NATO-s dhe bashkëpunimit euroatlantik në kushtet e sfidave aktuale të sigurisë në Evropë.
