Në Sarandë janë ekzekutuar vendimet e Gjykatës së Shkallës së Parë të Juridiksionit të Përgjithshëm, në kuadër të një hetimi për shpërdorim detyre të punonjësve të policisë.
Agjencia e Mbikëqyrjes Policore, në bashkëpunim me Policinë e Shtetit, ka ushtruar kontrolle në banesat e tre efektivëve të dyshuar për përfshirje në shkelje gjatë një operacioni të zhvilluar më 15 maj 2026 në Sarandë dhe Ksamil.
Sipas autoriteteve, për Blerim Tafçiun është caktuar masa “arrest në shtëpi”, ndërsa Kristofor Shkrepa dhe Kastriot Sotka janë lënë në “arrest me burg”.
Hetimet lidhen me një operacion të gjerë për goditjen e ndërtimeve pa leje, ku dyshohet për përfshirje të zyrtarëve të ndryshëm, biznesmenëve dhe ndërtuesve. Ndërkohë, kërkimet vijojnë për disa persona të tjerë të përfshirë në dosje.
