Një dëshmi e re e administruar nga autoritetet hetimore hedh dritë mbi dinamikën e operacionit policor në zonën e Lozhanit, ku humbi jetën efektivi Enea Mekolli dhe u plagos rëndë kolegu i tij Edison Adri.
Në dëshminë e tij, një nga efektivët pjesëmarrës në aksion ka përshkruar momentet e ndërhyrjes dhe përballjes me të kërkuarin Violant Braçellari.
“Në një moment dëgjuam thirrjet ‘ndal policia, je i rrethuar’. Teksa po afroheshim, në drejtimin tonë u qëllua me armë zjarri. Më pas pashë kolegun Edison Adri të rrëzohej menjëherë pas të shtënave. Personi i armatosur doli nga stalla duke qëlluar në drejtim të policisë, ndërsa ne iu përgjigjëm me zjarr. Pas ndërprerjes së të shtënave, e pashë të shtrirë dhe duke thënë ‘dorëzohem’,” ka deklaruar efektivi.
