Hetimet për zhdukjen e 34-vjeçarit Eglant Koçi më 4 qershor kanë sjellë informacion të ri lidhur me rolin e shokut të tij të ngushtë, Armand Shakaj, ndërsa një i arrestuar tjetër mohon përfshirjen e tij.
“Punoj në lokalin e Armand Shakajt si kamerier. Ditën që prokuroria thotë, kam parë Eglantin të hyjë në lokal sepse e njoh, më pas nuk e kam më parë, nëse ishte larguar apo jo. Ndërsa Armand Shakaj më ka thënë të fikja dritat e lokalit, për të parë një frigorifer, unë e kam bërë. Të nesërmen më tha të shkoja të laj makina në një vend të madh dhe diku nga fundi i bulevardit të ri. Kam shkuar atje dhe më ka kapur policia. Unë nuk kam lidhje me këtë ngjarje.”
Prokuroria dyshon se Shakaj ka përdorur ndërprerjen e energjisë për të transportuar trupin e viktimës, ndërsa kamerat e lokali, edhe pse lëvizëse, mund të kenë regjistruar momentin e ngarkimit në automjet.
