Presidenti turk, Recep Tayyip Erdogan, ka shprehur shqetësimin e tij për tensionet në Lindjen e Mesme, duke paralajmëruar Izraelin se sulmet e fundit në Siri dhe Liban mund të kërcënojnë sigurinë e Turqisë dhe të rajonit.
Ai po ndjek me vëmendje gjithashtu situatën në Mesdheun Lindor, ku sipas tij po shfaqen lëvizje provokuese.
“Askush nuk duhet të kërkojë aventura në Mesdhe. Përgjigja jonë do të jetë e qartë dhe e fortë nëse të drejtat e turqve dhe të qipriotëve turq shkelet,” tha Erdogan, duke shtuar se agresioni izraelit përbën një kërcënim jo vetëm për rajonin, por për të gjithë botën. Ai gjithashtu theksoi rëndësinë e samitit të NATO-s në Ankara dhe pjesëmarrjen e Presidentit të SHBA-së, Donald Trump, si një hap kyç për forcimin e unitetit të Aleancës.
