Sekretari i Përgjithshëm i NATO-s, Mark Rutte, ka theksuar nevojën për rritjen e kapaciteteve të industrisë së mbrojtjes dhe përshpejtimin e inovacionit brenda aleancës. Sipas tij, forcimi i prodhimit ushtarak është thelbësor për rritjen e sigurisë kolektive dhe për përballimin e sfidave të reja të sigurisë globale.
Rutte e lidhi gjithashtu këtë proces me bashkëpunimin transatlantik dhe me domosdoshmërinë që investimet në mbrojtje të shoqërohen me rritje reale të kapaciteteve prodhuese.
“Kur ju, të gjithë ju, prodhoni më shumë, parandalimi dhe mbrojtja jonë është më e fortë dhe të gjithë jemi më të sigurt”, u tha Rutte përfaqësuesve nga më shumë se 50 kompani amerikane dhe partnerë belgë të industrisë të mbledhur për të diskutuar bashkëpunimin transatlantik të mbrojtjes.
