Zjarri i rënë pranë lumit Shkumbin, në afërsi të Landfillit dhe Inceneratorit të Elbasanit, vijon të jetë aktiv, ndërsa situata është përkeqësuar gjatë orëve të fundit.
Flakët janë afruar pranë zonës së depozitimit të mbetjeve, duke rritur shqetësimet për përhapjen e tyre.
Forcat zjarrfikëse po vijojnë ndërhyrjen për izolimin e vatrave, ndërsa në operacion po përdoren edhe sistemet hidrante të Landfillit për furnizimin me ujë.
Autoritetet po monitorojnë situatën dhe u bëjnë thirrje qytetarëve të shmangin lëvizjet pranë zonës së prekur deri në normalizimin e gjendjes.
