Në Tiranë është zhvilluar dita e 19-të e protestës jopartiake, e cila ka nisur me grumbullimin e qytetarëve në sheshin “Skënderbej” dhe më pas është shoqëruar me marshim në disa akse kryesore të kryeqytetit.
Gjatë protestës, qytetarët kanë ndryshuar itinerarin duke u drejtuar fillimisht drejt Kuvendit dhe më pas pranë selisë së Partisë Demokratike, ku janë regjistruar edhe tensione dhe përplasje verbale me disa persona të pranishëm.
Më pas marshimi ka vijuar drejt bulevardit “Dëshmorët e Kombit”, duke u ndalur para Kryeministrisë, ku janë mbajtur fjalime nga pjesëmarrës të ndryshëm.
Protesta është shoqëruar me thirrje politike dhe kërkesa drejtuar institucioneve, ndërsa në disa momente janë dëgjuar edhe slogane kundër qeverisë dhe opozitës.
