Ish-Presidenti Ilir Meta do ta kalojë këtë verë në burg.
Gjykata e Apelit ka rrëzuar kërkesën e Metës për liri duke e lënë në qeli. Avokati Kujtim Cakrani ishte i ashpër me gjyqtaren Saida Dollani.
“Saida Dollani ose është e paaftë, ose ka frikë ose është e çmendur që nuk e shqyrton në themel çështjen e Presidentit.
Kjo është çmenduri, KLGJ të marrë masa ta shtrojë këtë gjyqtare në spital.
Nuk ka mundësi që kjo të tallet me Presidentin e Republikës, por gjykata e Lartë i ka thënë, e ka urdhëruar për ta gjykuar këtë çështje” tha ai.
