Kreu i Partia Demokratike e Shqipërisë, Sali Berisha, ka deklaruar se sistemi “Smart City” po përdoret nga qeveria për të monitoruar protestat në kryeqytet.
Sipas tij, kamerat e vendosura në Tiranë shërbejnë për survejim të qytetarëve dhe protestave paqësore.
“Çmenduria e diktaturës nuk kishte kufij. Sot Rama ka vendosur një sistem edhe më të thellë survejimi se ai i diktaturës. Pas instalimit të aparaturave të regjistrimit të internetit në Shqipëri që bëri me rastin e bllokimit të TikTok-ut, dhe vazhdojnë dhe sot të kontrollojnë për të përgjuar, pajisja vendosej në dispozicion të Policisë së Shtetit, projekti Smart-city. Ky projekt është i bazuar në kamera robotike, me rezolucion dhe aftësi të lartë. Në Europë administrohet nga bashkitë. Këtu keni kamera robotike që survejojnë natë e ditë protestën paqësore. Të gjitha janë vendosur anë e mbanë Tiranës, në dispozicion të shtetit dhe Policisë së Shtetit,” tha Berisha.
