Qeveria shqiptare dhe kompania italiane e hidrokarbureve “Eni S.p.A.” nënshkruan sot në Tiranë memorandumin e mirëkuptimit për studimin e fizibilitetit të krijimit të kapaciteteve kombëtare për furnizimin dhe magazinimin e produkteve të naftës dhe gazit, në funksion të sigurisë së furnizimit, zhvillimit ekonomik dhe rritjes së rolit të Shqipërisë në rajon.
Ndërsa gjatë fjalës së tij Kryeministri Edi Rama tha me nënshkrimin e kësaj marrëveshjeje, Shqipëria synon të arrijë siguri energjitike duke garantuar rezervat strategjike të naftës.
“Kujtoj se kohë parë, me fillimet e këtij mandati të ri, kemi ndarë me publikun ambicien për të krijuar një forcë të re në tregun e hidrokarbureve, një operator modern dhe dinamik i cili bën në njëfarë mënyre edhe rolin e një rregullatori të tregut në funksion të mundësive më të mira për konsumatorët”, tha Rama.
