Spanja ka marrë një lajm negativ në prag të ndeshjeve të mbetura, pasi mesfushori Yeremy Pino është detyruar të mbyllë përfundimisht pjesëmarrjen në Botëror për shkak të një dëmtimi.
Futbollisti u dëmtua në sfidën ndaj Uruguajit, ku ishte futur në lojë si zëvendësues në minutën e 66-të. Duke qenë se Spanja i kishte shfrytëzuar të gjitha ndërrimet, ai qëndroi në fushë deri në fund të takimit, pavarësisht shqetësimit fizik.
Pas ndeshjes, Pino u pa duke u larguar nga stadiumi me krahun të mbajtur në fashë, ndërsa ekzaminimet mjekësore konfirmuan se nuk do të jetë në gjendje të vijojë turneun.
