Turqia ka arrestuar 178 persona me akuza për “terrorizëm” përpara një samiti të NATO-s , raportoi të hënën agjencia shtetërore e lajmeve Anadolu, duke cituar një deklaratë nga zyra e prokurorit të Ankarasë.
Arrestimet vijnë pas një serie bastisjesh këtë javë përpara samitit të 7-8 korrikut, në të cilin pritet të marrin pjesë 32 udhëheqës, përfshirë Presidentin e SHBA-së Donald Trump.
Sipas Anadolu, duke cituar zyrën e prokurorit, deri më tani, 178 nga 225 personat e ndaluar janë arrestuar zyrtarisht, ndërsa 34 janë liruar me kushte kufizuese.
Dje, OJQ-ja turke MLSA (Shoqata e Studimeve të Medias dhe Ligjit) raportoi se të arrestuarit përfshijnë gazetarë, akademikë, avokatë, sindikalistë, mësues, studentë dhe përfaqësues të tjerë të shoqërisë civile.
Midis atyre që janë lënë në paraburgim janë Yildiz Tar, kryeredaktore e revistës LGBT+ Kaos GL, Emel Memis, profesoreshë e ekonomisë në Universitetin e Ankarasë dhe Nevzat Ozer i Fondacionit Tema.
