Presidenti amerikan Donald Trump ka ashpërsuar tonin ndaj Iranit, pas sulmeve të reja të ndërmarra nga forcat amerikane ndaj objektivave ushtarake në territorin iranian për të dytën ditë radhazi. Në një reagim publik, ai ka akuzuar Teheranin për shkelje të marrëveshjes së armëpushimit dhe ka paralajmëruar pasoja të rënda nëse situata vijon të përshkallëzohet.
“Nëse kjo ndodh, Republika Islamike e Iranit nuk do të ekzistojë më”, deklaroi Trump, duke shtuar se avionët amerikanë kanë goditur magazina raketash, dronësh dhe instalacione radari në Iran, si përgjigje ndaj, sipas tij, shkeljeve të përsëritura të armëpushimit.
Sipas tij, sulmet kanë goditur edhe infrastrukturë mbikëqyrjeje, sisteme komunikimi dhe pozicione të mbrojtjes ajrore.
