Kryetari i Grupit Parlamentar të Partisë së Lirisë, Tedi Blushi, ka zhvilluar takime në Parlamentin Europian me përfaqësues të delegacionit dhe raporterin për Shtetin e së Drejtës, ku ka paraqitur një sërë kritikash ndaj situatës politike dhe institucionale në Shqipëri.
Ai ka ngritur akuza të forta ndaj qeverisë, duke përmendur korrupsionin, shpopullimin dhe dobësimin e shtetit ligjor si probleme që, sipas tij, po pengojnë procesin e integrimit europian.
“Pasojat dramatike të keqqeverisjes së Edi Ramës kanë shpopulluar vendin nga të rinjtë. Korrupsioni dhe kriminalizimi i shtetit kanë shpopulluar Shqipërinë si asnjë vend tjetër në rajon. Kjo është arsyeja pse të rinjtë sot janë ngritur në protesta masive për largimin e panegociueshëm të Edi Ramës. Korrupsioni ka shkatërruar shtetin ligjor. Reforma në drejtësi dështoi të luftojë korrupsionin,” u shpreh Blushi.
