Shtetet e Bashkuara të Amerikës kanë shënuar 250-vjetorin e Pavarësisë me një ceremoni të madhe në Uashington, të shoqëruar me fishekzjarrë, fluturime avionësh dhe dronësh, si dhe aktivitete festive në National Mall, ku mori pjesë edhe presidenti Donald Trump.
Festimet u zhvilluan mes një moti të paqëndrueshëm, me shi të lehtë dhe temperatura të larta, ndërsa mijëra qytetarë ishin mbledhur për të ndjekur eventin.
“Ëndrra amerikane është kthyer, ky është vetëm agimi i epokës së artë të Amerikës. Ne do të jemi gjithmonë të parët dhe nuk do ta lëmë vendin tonë të rrëzohet. Themeltarët tanë jo vetëm fituan lirinë tonë, por e garantuan atë me Kushtetutën e Shteteve të Bashkuara,” u shpreh presidenti Donald Trump gjatë fjalimit të tij në National Mall.
