Presidenti amerikan Donald Trump ka deklaruar se Shtetet e Bashkuara do të heqin sanksionet ndaj Turqisë të vendosura në kuadër të ligjit CAATSA, duke vlerësuar se marrëdhëniet mes dy vendeve janë më të mira se kurrë.
Deklarata u bë gjatë takimit me presidentin turk Recep Tayyip Erdogan në kuadër të samitit të NATO-s në Ankara. Trump tha se Uashingtoni nuk dëshiron të vendosë masa ndëshkuese ndaj vendeve aleate.
“Ne do t’i heqim sanksionet. Nuk duam t’u vendosim sanksione miqve”, u shpreh presidenti amerikan.
Trump vlerësoi gjithashtu rolin e Erdoganit, duke e cilësuar atë një lider të respektuar dhe duke theksuar fuqinë ushtarake të Turqisë.
Sa i përket çështjes së sistemit rus S-400, që ka qenë një pikë tensioni mes dy vendeve, Trump tha se marrëdhëniet SHBA-Turqi janë “ndoshta më të mira se kurrë” dhe se do të shqyrtojë mundësinë e rikthimit të Ankarasë në programin e avionëve luftarakë F-35.
