Një automjet tip “Fiat” është dëmtuar në Krujë pas një shpërthimi me lëndë plasëse. Nga ngjarja nuk raportohet për persona të lënduar, por vetëm për dëme materiale.
Policia ka nisur hetimet dhe ka sekuestruar pamje nga kamerat e sigurisë së zonës për identifikimin e autorit.
Dyshohet se lënda plasëse është vendosur pranë automjetit dhe më pas personi përgjegjës është larguar.
Sipas hetimeve paraprake, një nga pistat që po verifikohet lidhet me një konflikt të mundshëm të mëparshëm, ndërsa autoritetet vijojnë punën për zbardhjen e plotë të ngjarjes.
