Presidenti i Shteteve të Bashkuara, Donald Trump, deklaroi se Irani ka shprehur gatishmëri për të arritur një marrëveshje me Uashingtonin, por tha se mbetet skeptik nëse Teherani do të respektojë një marrëveshje të mundshme.
“Irani telefonoi pak kohë më parë. Ata duan shumë të bëjnë një marrëveshje. Thjesht nuk e di nëse janë të denjë për të bërë një marrëveshje, nuk e di nëse do ta respektojnë atë,” u tha Trump gazetarëve në bordin e Air Force One, pas kthimit nga samiti i NATO-s në Ankara.
Presidenti amerikan shtoi se, sipas tij, SHBA-ja ka epërsi të plotë ushtarake në konflikt.
“Ne thjesht i goditëm shumë fort. Kemi fituar tashmë ushtarakisht dhe atyre u ka mbetur shumë pak,” deklaroi ai.
Deri më tani, autoritetet iraniane nuk kanë konfirmuar pretendimet e Trump për kontakte mes dy vendeve apo për një kërkesë për rifillimin e negociatave.
