Një aksident i rëndë ka ndodhur pasditen e kësaj të shtune në aksin Elbasan-Peqin.
Sipas burimeve bëhet me dije se nga përplasja e dy makinave me njëra-tjetrën kanë mbetur të plagosur pesë persona, dy prej të cilëve ndodhen në gjendje të rëndë.
Dyshohet se aksidenti ka ndodhur si pasojë e një parakalimi të gabuar nga njëri prej automjeteve.
Ndërkohë të plagosurit janë dërguar menjëherë në spitalin rajonal për të marrë ndihmën mjekësore.
Policia ka mbërritur në vendngjarje dhe po punon për zbardhjen e plotë të këtij aksidenti të rëndë.
