Moti u përkeqësua ndjeshëm pasditen e së premtes në Elbasan dhe në disa zona të qarkut, ku një stuhi e shoqëruar me reshje të dendura shiu, breshër dhe erëra të forta.
Brenda një kohe të shkurtër, rrugë të ndryshme u mbuluan nga uji, duke vështirësuar lëvizjen e automjeteve dhe këmbësorëve.
Për shkak të reshjeve intensive dhe dukshmërisë së kufizuar, drejtuesit e mjeteve u detyruan të qarkullonin me kujdes të shtuar.
Deri tani nuk raportohen persona të lënduar, ndërsa autoritetet u kanë bërë apel qytetarëve të shmangin lëvizjet e panevojshme dhe të tregojnë kujdes, pasi kushtet e pafavorshme atmosferike vijojnë edhe në orët e pasdites.
