Kryeministri Edi Rama ka marrë pjesë këtë të hënë në Samitin e Koalicionit të Vullnetmirëve, që po zhvillohet në Paris në mbështetje të Ukrainës.
Rama ka bërë të ditur se ndodhet në kryeqytetin francez me ftesë të presidentit Emmanuel Macron, ndërsa ka publikuar pamje nga mbërritja dhe pritja zyrtare në këtë takim ku marrin pjesë liderë evropianë.
“Paris, Francë – Me ftesë të Presidentit të Francës, Emmanuel Macron, në Samitin e Koalicionit të Vullnetmirëve, në mbështetje të Ukrainës dhe në vigjilje të Paradës së Madhe Ushtarake të 14 Korrikut”, shkroi Rama në rrjetet sociale.
