Policia e Durrësit mëngjesin e sotëm ka njoftuar zyrtarisht arrestimin e 34-vjeçarit Arlen Hasanaj, i cili është pronar i një biznesi dhe fqinj me Armand Dukën në Durrës, që i vendosi eksplozivin në portën kryesore të shtëpisë.
Ai do të akuzohet për dy vepra penale; “Shkatërrimi i pronës me eksploziv” dhe “Mbajtje pa leje dhe prodhim i armëve, armëve shpërthyese dhe i municionit”.
Policia deklaron grupi i posaçëm hetimor, nën drejtimin e Prokurorisë, po vijon punën për sqarimin e plotë të rrethanave të ngjarjes dhe sigurimin e provave të tjera ligjore. Autori ende nuk ka dhënë asnjë dëshmi se përse i vendosi eksplozivin Armand Dukës dy net më parë.
Kreu i FSHF-së është në një luftë të hapur me bashkinë e Tiranës pas sulmeve të Erion Veliajt lidhur me procesin e zgjedhjes së drejtuesit të shoqatës Tirana, e cila ka një votë në zgjedhjet për Presidentin e ri të qeverisë së futbollit shqiptar që do të mbahen në datë 2 mars, ku Duka kandidon për mandatin e gjashtë.
/5pyetjet.al
