Pas Luan Dacit, një tjetër gjyqtar i Kolegjit të Posaçëm të Apelimit ka përfunduar në “rrjetën” e SPAK. Bëhet fjalë për Ardian Hajdarin.
Hajdari është marrë i pandehur për fshehje të ardhurash dhe mosdeklarim pasurie gjatë kohës që ka punuar si avokat.
Ndërkohë ai është kallëzuar penalisht në qershor 2020, nga ish- prokurorët Elsion Sadiku e Antoneta Sevdari dhe ish-gjyqtari Ervin Metalla, për akuzën e “falsifikimit të dokumenteve”.
Sipas kallëzuesve Hajdari ka paraqitur të dhëna të pavërteta gjatë aplikimit për t’u bërë pjesë e KPA.
Në të njëjtin kallëzim ishte edhe emri i ish-anëtarit tjetër të KPA-së, Luan Daci, i cili tashmë është shkarkuar nga detyra, pasi u dënua me vendim të formës së prerë për të njëjtën akuzë, “falsifikim dokumentash”.
