Monika Kryemadhi ka qenë e ftuar në emisionin “Të Paekspozuarit” në MCN TV, ku deklaroi se është “tradhtuar nga Lulzim Basha”.
Kryetarja e LSI tha se po përgatisin dosjen e Lulzim Bashës, duke nënkuptuar se bëhet fjalë për afera.
Pjesë nga biseda në studio:
Monika Kryemadhi: Ja kam thënë Bashës, po më tradhtove, nuk të ndahem unë! Po më tradhtove për allishverishe dhe ti e di mirë se unë nuk të fal. Po të them se do ti shkojë deri në fund. Që nga cështja Babale, që më kërkonte mua të sulmoja Fatmir Xhafën. E bënë skemën për të larguar Xhafën për histori të tjera.
Asnjë nuk flet. Por ti nuk të lë të flasësh, ti do të flas për Berishën. E dua Berishën, jemi malok të dy, por jemi parti të ndryshme. Berisha punon për elita që i merr qyl gjërat, unë punoj për të rinjtë.
Është klani Basha, është më shumë se familje.
Po në opozitë si rrëmben njeriu kështu?
Monika Kryemadhi: Epo investigo se je gazetar investigativ. Që nga ishujt Caymen, deri në Milano, ku të dojë unë do t’ja nxjerr deri në fund, Bashës dhe atij që është mbrapa Bashës.
