Vrasja me thikë javën e kaluar e Alkis Kampanos është kryefjalë në mediat greke.
11 janë personat e akuzuat, 9 prej të cilëve janë arrestuar, mes tyre një shqiptar, ndërsa një tjetër dyshohet se është arratisur në Shqipëri dhe një grek është në kërkim.
Shqiptari i arrestuar është 23-vjeç. Ai u arrestua në Selanik, por mohon akuzat edhe pse u kap nga kamerat e sigurisë në vendin e ngjarjes.
23-vjeçari shqiptar pranoi se ishte në vendin e ngjarjes, por mohoi që të ishte pjesë e grupit që sulmoi 19-vjeçarin grek që u godit me thika dhe mjete të mprehta duke i shkaktuar vdekjen.
Shqiptari mësohet se u ka treguar hetuesve emrat e personave të përfshirë, 10 të tillë. “Ata nuk donin të vrisnin, por vetëm ta frikësonin” tha i riu shqiptar.
Shqiptari tjetër dyshohet se kaloi kufirin për në atdhe ndërsa i fundit është një grek, po në kërkim, që dyshohet se është vrasësi i Alkis Kampanos.
/5pyetjet.al
