Ish-deputeti i Partisë Socialiste, Spartak Braho, ngriti akuza të forta ndaj ish-kryetarit të Bashkisë së Durrësit, Vangjush Dako.
I ftuar në emisionin “Frontline” në News24, Braho u shpreh se është turp për Partinë Socialiste që ka si shef të fushatës në Durrës Vangjush Dakon.
“Ai është shef i “Cosa nostra-s” në qytetin e Durrësit. Për Partinë Socialiste është e turpshme që ka për shef të fushatës Dakon. Ai është non grata dhe ka shkatërruar Partinë Socialiste, ka betonizuar qytetin dhe ka drejtuar bashkinë në mënyrë mafioze. Ai ka qenë vetë kryetar, ndërsa motrën e kishte shefe llogarie në bashki”, tha Braho ndër të tjera.
Ish-deputeti tha më tej se këto vërejtje për Dakon ia kishte thënë edhe kryeministrit Rama, i cili e kishte kundërshtuar. Megjithatë, në fund, ai tha se do të votojë për Partinë Socialiste.
