Zjarri që ka përfshirë një mobileri në zonën e Fushë-Krujës, ka marrë përmasa të mëdha duke rrezikuar edhe objektet përreth saj.
Punishtja është djegur thuajse totalisht, teksa forcat zjarrfikëse po punojnë për shuarjen e flakëve. Sipas policisë, nga zjarri ka vetëm dëme materiale. Punonjësit e mobilerisë shprehen se zjarri ka qenë aksidental. Ndërkohë, pronari i mobilerisë është shprehur se dëmi i shkaktuar mund të jetë mbi 100 milionë lekë.
Njoftimi i policisë:
Rreth orës 18:55, në Tapizë Krujë, ka rënë zjarr në një mobileri. Në vendngjarje ndodhen forcat zjarrfikëse dhe forcat e Policisë të cilët po bëjnë të mundur fikjen e zjarrit.
Nga zjarri nuk ka të lënduar, por vetëm dëme materiale. Nga deklarata e punonjësve të mobilerisë dyshohet se zjarri është aksidental. Grupi hetimor ndodhet në vendngjarje për te zbuluar shkaqet e zjarrit.
