Tensionohet situata tek 5 Maji, banorët konfrontohen me policinë për shkak se disa familjarë janë mbyllur brenda dhe gjendja psikologjike e tyre është rënduar, ndërkohë të afërmit nga jashtë shtëpive kanë kërkuar të hynë brenda dhe të kujdesen për shëndetin e familjarëve të tyre.
Rikujtojmë se sot është parashikuar që të shemben 11 banesa.
Ndërkohë banorët e lagjes “5 Maji” në njësinë numër 4 në Tiranë kanë kaluar natën jashtë banesave për të mbrojtur shtëpitë e tyre, pasi pritet të ndërhyjnë fadromat e IMT-së, për shembjen e shtëpive të tyre
Që në orët e para të mëngjesit kanë mbërrutur edhe forcat e para të policisë që kanë rrethuar zonën.
Banorët nga ana e tyre shprehen se nuk janë dakord me marrëveshjen e ofruar nga Bashkia për banesat që po shemben në kuadër të projektit të rindërtimit.
/5Pyetjet.al
