Lideri historik i së djathtës shqiptare vijon fushatën për prezantimin e kandidatëve për kryetar bashkie për zgjedhjet e 6 marsit në 6 bashki të vendit. Sonte Berisha ishte në Lushnje, ku kërkoi nga qytetarët mbështetjen për kandidatin e tij, Elton Bano.
Gjatë fjalës së tij, Berisha tha se e ka mbështetur Lulzim Bashën, por shtoi se ishte lodhur kot, pasi në fund i kishte rezultuar se ishte arrë e prishur.
“Çdo votë në logon e rrëmbyer, është votë e humbur. Bëni gjithçka të bashkohemi të gjithë si demokratë. Asgjë nuk i lidh demokratët e Lushnjës me një njeri që është në dy hetime të forta ndërkombëtare për lidhje me krimin.
Unë e kam mbështetur, me bindjen dhe kënaqësinë se përfaqëson një gjeneratë të re, por ai rastisi, sikur thotë populli “arrë me vrimë”, i prishur” tha ai. Batuta e ish-kryeministrit shkaktoi të qeshura mes demokratëve në sallë.
/5pyetjet.al
