Kryeministri Rama ka reaguar me një koment në Facebook mbi vendimin e Gjykatës Kushtetuese për të mos e shkarkuar Ilir Metën nga posti i Presidentit të Republikës.
Rama shkruan se Kushtetuesja nuk varet nga qeveria, ndërsa akuzat nga një qytetar se ai ka dalë zbuluar me këtë vendim, Rama i quan si absurde.
“Gjykata Kushtetuese nuk varet nga qeveria dhe nuk e kuptoj për çfarë dalje zbuluar e ke fjalën, sepse faktikisht Gjykata Kushtetuese doli kundër vendimit tonë. Ah, nëse ti ke menduar se unë duhet të kontrolloj edhe Kushtetuesen, atëherë ky nuk është faji im sepse detyra ime është komplet tjetër dhe për sa kohë e kemi zgjedhur këtë sistem, duhet të pajtohemi edhe me faktin se pushtetet e pavarura mund të marrin vendime që nuk na pëlqejnë. Unë nuk dua t’i komentoj vendimet e gjykatave, por që të më thuhej se një vendim gjykate që bie ndesh komplet me qëndrimin tim qenka zhgënjim prej meje, kjo është absurde fare”, shkruan Rama.
