Pavarësisht zotimit të qeverisë së Kosovës se nuk do të lejojë mbajtjen e zgjedhjeve serbe, siç ndodhi në referendumin e 16 janarit, një muaj më vonë, Serbia nuk do t’ia dijë për këtë.
Shteti serb ka sfiduar “nervat” e qeverisë së Kosovës edhe një herë.
Komisioni Zgjedhor Republikan i Serbisë ka vendosur që të themelojë komisione lokale zgjedhore nëpër qytetet e Kosovës.
Vendimi i njoftuar nga media “Danas”, thotë se do të themelohen komisione lokale në Prishtinë, Mitrovicë, Pejë, Gjilan e Gorë.
Një ndërhyrje e tillë e Serbisë u bë e ditur që kur u ndal referendumi i janarit.
Qytetarët serbë kishin paralajmëruar se asgjë nuk do t’i ndalte të votonin nga Kosova në zgjedhjet presidenciale të 3 prillit.
