Zyrtarisht sot u hap fushata për zgjedhjet e pjesshme lokale, që do të zhvillohen në datë 6 mars. Lulzim Basha vendosi që ta niste nga Shkodra.
Ai prezantoi kandidatin Xhemal Bushati. Referuar çarjes së madhe të opozitës dhe futjes në garë të Sali Berishës, Basha, tha se Bushati është kandidati i vetëm i PD-së.
“E vërteta është që Shkodra është dashni dhe Xhemal Bushati kandidati më i mirë për Shkodrën. Xhemal Bushati ka qenë gjithmonë këtu, në ditë me diell dhe shi.
Ai është njeriu që është kujdesur me zemër dhe shpirt për qytetarët e Shkodrës, si bamirës, punëdhënës. E njoh nga afër nga ditët e vështira të përmbytjeve.
PD ka një borxh të madh Shkodrës, nuk ia ka shlyer për aq sa Shkodra i ka dhënë. Shkodranët nuk i gënjen dot as Enver Hoxha dhe askush tjetër nuk i gënjen.
Xhemal Bushati është kandidati i vetëm i PD-së në Shkodër. Shkodrës i duhet një kryebashkiak, jo me dashni për veten, por për ju” ishin fjalët e Lulzim Bashës.
/5pyetjet.al
