Sekretarja e Jashtme e Britanisë së Madhe, Liz Truss deklaroi se nëse Rusia pushton Ukrainën, agresioni mund të vijë deri në Ballkanin Perëndimor.
“Shtetet baltike janë në rrezik… edhe Ballkani Perëndimor. Putini i ka thënë të gjitha këto publikisht, se ai dëshiron të krijojë Rusinë e Madhe, se ai dëshiron të kthehet në situatën siç ishte më parë, ku Rusia kishte kontroll mbi zona të mëdha të Evropës Lindore.
Pra, është kaq e rëndësishme që ne dhe aleatët tanë t’i kundërvihemi Putinit. Mund të jetë Ukraina javën e ardhshme, por cili vend do të jetë më pas?’
Vetë kryeministri Boris Johnson paralajmëroi se një pushtim rus i Ukrainës mund të shkaktojë “shkatërrimin e një shteti demokratik” dhe “tronditjet do të ketë jehonë në mbarë botën”.
/5pyetjet.al
