Kryeministri Albin Kurti u shpreh se paratë që diaspora dërgon në Kosovë brenda një viti shkojnë në mbi 1.4 miliardë euro. Sipas Kurtit, kjo dëshmon se diaspora luan një rol kyç në zhvillimin e vendit.
“Jemi duke punuar që diasporën ta angazhojmë në disa mënyra. Po ashtu, diaspora mund të kontribuojë në sipërmarrje, lidhje tregtare, që ndikojnë në rritjen e potencialit të vendit tonë. Ndaj, qeveria është duke punuar vazhdimisht që të krijojë të gjitha kushtet që krahas investimit në atdhe diaspora të sjellë edhe dije”, është shprehur ai.
Kryeministri Albin Kurti, Ministrja e Punëve të Jashtme dhe Diasporës Donika Gërvalla, deputetë të Kuvendit të Kosovës si dhe përfaqësues të shoqërisë civile po marrin pjesë në aktivitetin “Tryeza e Rrumbullakët mbi të Drejtat e Diasporës”.