Mediat serbe kanë raportuar ndryshe nga e gjithë bota zhvillimet e fundit në Ukrainë.
Pasi Rusia vendosi të pushtojë pjesën lindore të Ukrainës duke “njohur dy republika”, mediat serbe po raportojnë se në fakt “Ukraina ka sulmuar Rusinë”.
“Ukraina sulmon Rusinë”, “Rusia provoi gjithçka për paqe”, “Derdhet gjaku në kufirin rus”, “Putin do ta dërgojë ushtrinë që të bashkojë Republika Srpska me Serbinë”, janë vetëm disa nga titujt e tabloideve serbe.
Për këtë ka reaguar edhe gazetari i njohur, Tim Judah.
“Edhe me standardet e tabloideve serbe, kjo është çmenduri. Pyes veten nëse njerëzit që i shkruajnë këto artikuj e quajnë vetën gazetarë apo çfarë”, ka shkruar ai.
