Zyrtarët e Ukrainës kanë bërë të ditur se të paktën 57 persona janë vrarë, ndërsa 169 të tjerë kanë mbetur të plagosur pas një dite të përgjakshme luftimesh me forcat ruse.
Ministri i Shëndetësisë i Ukrainës, Viktor Lyashko, konfirmoi se mes viktimave e të plagosurve ka edhe civilë.
Teksa foli drejtpërdrejt në kanalin televiziv të Ukrainës 1+1, Lyashko tha se spitalet dhe punonjësit e mjekësisë janë sulmuar nga forcat ruse të enjten. Ai tha se sulmet ndodhën në Avdiivka dhe Vuhledar në Donetsk, duke shkaktuar edhe viktima mes mjekëve.
